بالمشرمحي .. أزمة الطاقة في الأردن إلى أين ؟


images

بالأردن في 96 حكومة و44 رئيس وزراء و17 مجلس نيابي جميعهم رؤساء الحكومات رحلوا بعد تنفيذ قرار اقتصادي ..
جميعهم فدائيين يعلمون جيدا أنهم يأتون لتقديم قرارات اقتصادية ويرحلون .. في السيناريو القادم كباقي السيناريوهات السابقة راح يرفع النسور الكهرباء والخبز وراح يطلع الناس عالشارع ويطلع الملك يعزل النسور ويحل البرلمان زي ما عمل الملك حسين بحكومة الكباريتي ودعا لإنتخابات نيابية بعد رجعته من امريكا فورا ..

الملك عبد الله حيدعوا لإنتخابات جديدة وفق قانون انتخاب جديد وبهيك برضي قوا الشارع وأولهم الإسلاميين .. سيناريو مطروح

من جهة ثانية .. الأردن مش كثير شاد حيله بالحدة والجدية بالحسم للموضوع السوري والسبب أنه الاردن 3 صواريخ من سورية ولا ايران إذا نجنت بتشل البلد وبوقف كل شي .. شو عنا احنا .. محطة الحسين الحرارية للكهرباء وزي للمي ومينا العقبة ومفاة البترول بالزرقاء ومتهالكة وما انعمللها صيانة من 1959 وقت ما انبنت .. حريق واحد فيها ببطل في نفط بالبلد.

وبإعتراف عبد الله نسور أنه ما بتعطي بطاقتها بنقص 40 % وبرفع كهرباء وبرفع مي وضرايب بحجة أنه قرار وطني .. في هذا الموضوع ممكن يكون حل للحكومة لجلب استثمارات . لانه شركة الكهرباء بتخسر فش اي مستثمر راضي يقدم لتنفيذ مشروع المفاعل النووي بقلك أنا انتج طاقة وما القى حد يشتريها ليش أخسر 10 مليارات دولار تكلفة المشروع ! إذا كانت اسرائيل بتنتج غاز ونفط وايران عندها فائض ودول الخليج ومصر كمان عندها فائض .. إذا البلد هاي بتبين أنه الشركات فيها صارت تربح لأنه ما في بديل عن شركة الكهرباء والكهرباء غالية ممكن يتقدموا لتنفيذ عطاء المشروع.

ويمكن ما بدهم لسبب ثاني .. وهو أنه انتاج اسرائيل الفائض حسب دراسات جديدة ووصول رئيس جديد لإيران بسياسة منفتحة بدل عن الحالي واتباعه رح يأثر على العلاقات العربية الإيرانية بموضوع الطاقة ودول الخليج وعلى رأسهم السعودية راح تخسر كثير ويصير سعر برميل النفط 40 و 30 دولار والأردن بستفيد شو بده بمفاعل. وامريكا بتنسحب وما بتدخل بالمنطقة كثير حاليا لانها جربت في العراق وافغانستان مش ناقصها عدى أنها بلشت تنتج طاقة ونفط من الصخر الزيتي وانخفض استيرادها وبحلول عام 2020 رح تصدر نفط وغاز للعالم وحولت سياساتها بإتجاه المحيط الأطلسي ودول المحيطة فيه.

بالمناسبة يمكن للحكومة استيراد غاز اسرائيلي قبل من قبل ورفض من رفض .. ويمكن لها تمرير الصفقة من خلال شركة وسيطة تعمل في الأردن واسرائيل والناس ما تعرف .. 

الصادرات التركية للأردن انشلت والأردن بلش يتبادل التجارة مع اسرائيل وفي 40 شاحنة كل يوم بتدخل من ميناء حيفا لعمان. وقريبا بترتفع لـ 100 شاحنة إذا مش أكثر .. والتجار الأردنيين من مصلحتهم هالشي لانه 10 كيلا مشافة أحس من آلاف الكيلومترات للشاحنات من تركيا عبر سورية .. والأدهى أنه كيري رايح جاي علينا ونتنياهو قال بكلمته لما نجح اوباما أنه الحل في القضية الفلسطينية هو ترابط اقتصادي وهاي خطة كيري بإنعاش الضفة والادرن اقتصاديا. لضمان حماية اسرائيل من خلال استقرار الأردن. مطبع مش مبطبع مش هاي القصة .. الفكرة أنه الخليج وخصوصا الكويت بدفع 5 مليار للأردن وبنفذ مقترح أمريكا بعد تفجر خط الغاز المصري أكثر من مرة لبناء مخازن للغاز المسال في العقبة .. مسورة 40 كيلوا من اسرائيل لعمان أوفر من الغاز المصري والإيراني والخليجي .. واوفر للشعب وبرتاح اقتصاديا وبتصير ثورة مالية بالبلد هون وبتستقر البلد وبتتهنى اسرائيل لفترة. وبتخوزق الجانب المصري لأنه فش حد يستورد منه الفائض والخليج لأنه امريكا رح تبطل توخد منه نفط بعد ما بلشت تستخرج من صخرها الزيتي وهاي السنة بس خفضت استيرادها 10 % والسعودية بتدعم بإنتاج ضخم باوبك بس عشان يضل في عقوبات اقتصادية على ايران وتضل خارج لعبة النفط وسوقه. لو أجى رئيس جديد لإيران ويغير سياسته مع امريكا والغرب بتختلف المعادلة مع سورية وحزب الله كمان. إذا التأزم في ايران والتخوف من مدها هو صناعة سعودية لمصالح اقتصادية ..

واللبنانين بلشوا يشكلوا لجنة لدراسة استخراج الغاز من ارضها خوف ما اسرائيل تسحبه وهالحكي من 4 اشهر وماشيين فيه.

بقى بكل هاي القصة الأردن دولة وظيفية ولا لأ وشو موقعة وموقفه بالنسبة للعبة السياسية وربطها بالإقتصاد والطاقة .. كل الفدائيين الـ 44 الي حكيت عنهم فوق رحلوا ورحلت معهم مجالس نيابية بعد ما نفذوا وقرروا اشياء اغضبت الشعب وحلها الملك لكن برنامج التحول الإقتصادي ضل ماشي وأكبر مثال أنه زيد رفاعي أقر برنامج تحول ورحل وأجى الكباريتي ورفع الخبز ورحل وضل البرنامج ماشي ومن وراه أبو الراغب كمان ..

كله عارف دوره والمسلسل بنعاد وعفكرة لما بهجت سليمان يهدد الأردن بصواريخه مش حكي بالهوا السوريين والأردنيين بعرفوا انه البلد لو بدها سورية تخربها على راسنا راس مالها 3 صواريخ بتوقف حالها .. والباتريوت تبع الأسد المتأهب مش لله أجى .. كله لصد أي عدوان على البلد.

Advertisements

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s