في الديمقراطية والتعليم .. لوين رايحين !!


مبارح الإثنين رحت احضر ندوة في منتدى عبد الحميد شومان الثقافي تحت عنوان الديمقراطية والتعليم. بيني وبينك فكرت الحكي حيكون عن السياسة وعلاقتها بالتعليم خصوصا أنه جايين على إنتخابات. والحضور كبير بس فش شباب

الحق مش على فهمي البسيط بقدر ما انه قادة الرأي في الأردن مش مهتمين بشي غير قانون الانتخاب والمحاصصة الحزبية .. لأنه السيد طلال أبو غزالة طلع بده يحكي عن ” المساواة في التعلّم “. ولحتى نحكي بالموضوع بدنا قعدة فطول بالك وانت بتقرأ.

شو يعني ديمقراطية ؟

نعرفها زي ما قال القذافي .. ديمو كراسي !! ولا حكم الاغلبية للأقلية برضا الأقلية !!  بس هيك بطلع هدف الأغلبية حكم الأقلية واستفرادها بالحكم. ولا نحكي عن الديمقراطية هي حرية الرأي والتعبير والتصرف بالمال والأعمال !! ولا هي المساواة فقط.

على إعتبار أنه هالتعريف الأخير رح ينسحب على كل ما يهم الإنسان من الحريات والمنافسة وفرص العمل والملكية  والتصويت في الإنتخابات … الخ.

طيب اتفقنا انها المساواة . معناها أي نظام ديمقراطي ما هو إلاّ أسلوب للحكم والحاكمية بيهدف لتحقيق المساواة.

والتعليم بمفهومه التاريخي يعني “قل” أو “إسحب” من الأصل الروماني للكلمة. ونحنا العرب اول من بدأنا بإعطاء المعرفة وليس قولها وجعل المتلقي يسحبها وهذا الشي من خلال الكتّاب. وعفكرة يا صديقي كل مؤسسات التعليم في الدنيا مش بالأردن بس شغاله على مبدأ بث العلم ونشره وإعطاءه  وعنا بالبلد بنضل نسمع عبارة “التعليم للجميع”.

نحن دخلنا عصر  المعرفة من 40 سنة والمفكرين بقولوا انه في عام 2050 عقل الآلة وعقل الإنسان رح يتلاقوا ويتساوا في الذكاء .. وبالمناسبة في عقول للآلات تفوقت على عقل الإنسان الآن وهو بأحسن أحواله.

وفي عصر المعرفة صار التعلّم هو الأصل مش التعليم .. لذلك معلش أسأل متى رح يصير عنا وزارة التربية “االي مش موجودة” والتعلّم ؟ ويصير عنا مؤسسات تعلّم وسياسات تعلّم ؟؟ على اعتبار أن التعليم لم يعد مقبولا لأنه إعطاء ومنح وقد يحصل بطريقة مغلوطة وغير سليمة.

لا مجال في عصر التعلّم والمساواة لأن يتفوق مدرّس على التلميذ، لأن الأطفال اليوم أكثر كفاءة من مدرسيهم .. يعني بكون في البيت بلعب على الأي باد والآبتوب والمدرس يا دوبك عده ايميل بفتحه مرة كل اسبوع !! يا رجل في مدرس بالجامعة  بعام 2012 بطلب الواجب على شريط كسيت بدل CD وما بستخدم ايميل وما بنزل علامات الطلاب على موقع الجامعة حتى ؟؟


بهيك حاله لازم يتحول المدرس إلى ميسر فقط لتسهيل مرور المعلومات للطالب وتبادلها ..

رح يصير الإنسان يعلّم نفسه . وبكفي انا ننادي بالتعليم للجميع ..

 

 

يجب تحقيق الديمقراطية “المساواة” وإحنا بنعيش ازمة مالية في الجامعات والي صارت مؤسسات عقارية لا لزوم لها .. وبنصرف عليها من الموازنة وبنحط ميزانية موظفين وحراس وزراعة وفعاليات وترميم وخطط لمنع العنف فيها وبتنسرق واحنا عارفين ..

تقرير أمريكي حديث بقول أنه في عام 2020 .. 80% من جامعات العالم رح تصير OnLine  وجامعة ستارفكت حولت Online من أسبوع عفكرة.  وعلوم الدنيا كلها كانت تتضاعف منذ وجود البشرية كل سنتين . واليوم تتضاعف المعرفة الإنسانية والعلوم كل شهر .. أي مدرس في المدارس او الجامعات بقدر يلّحق على التطور ويعطي معلومة صح. إذا الكتب قديمة وفيها أخطاء والبعض بدرس من نفس الكتاب القديم من 5 سنين نفس المعلومات ..

انت بتعرف ليش بل جيتس ترك الجامعة ؟

ونصيحة تقعدش تفكر في البنية التحتية والصباحي والمسائي ونقص المدارس وتأهيل المدرسين ومناطق جيوب الفقر. فكر كيف جيل ومواليد 2010 بس حيكون شكل تعليمهم بعد ما الله يوخد وداعتك ؟

وسلملي على الإصلاح والي بنادوا عليه وشكرا طلال أبو غزالة

شوف هالقصة 

Advertisements

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s