غرق بسبب التفكير


أنا ليش كل ما يعرف شب طبيعي من عنا من البلد ويعني شكله بيوحي أنه عاقل . كل ما يعرف إني بدي أروح لتركيا بقلي – مازحا أو جادا – جيبلي معك تركية شروا لميس . لميس تبعت المسلسلات ودعاية الشامبو وكريم الشعر .. هاي الي بتنط بين المسلسلات كل شوي . إذا ما كان عندها مشاهد عالـ MBc


ولأ كمان الصبايا بدهم مهند – مهند – الي غنى عنه متعب الصقار .

هو الشعب ليش بحكي وهو مغمض ؟ يعني بقدم برنامج عالهوا وبنحط سؤال واضح هل أنت مع أو ضد كذا ولماذا ؟ ونفتح باب النقاش .. فتكشف أنه من 10 إتصالات هاتفية فقط إتصالين أو ثلاثة لا أكثر من يعي ما يقول ويفكر بطريقة منطقية ويعرف ماذا يريد .. الباقي بفش خلقه لا أكثر . وبعد أول محاورة وأول سؤال ببلش يفعفط على المذيع وتنتهي المكالمة .. متصور ان يقف المذيع ساكتا لما يقوله دون نقاشه فيه .. طيب بدك تحكي عن حماية المستهلك وعن الأسعار وعن فشل وزراة الصناعة والتجارة في الرقابة على السوق وعن غش أصحاب المحلات وعن وعن .. وبالآخر ما بتعرف انه في جميعة لحماية المستهلك وأن في خط ساخن للوزارة بتقدر تقدم شكوى لإلهم في أي حالة تجاوز .. وبقلي ما بدي أشكي لأنهم ما راح يعملوا إشي .. خليك بتستهال ينضحك عليك أوعك تفكر .

كمان بطلع بالتكسي .. بكتشف أنه بسمع إذاعة الجيش السوري .. وطول الطريق من واي صقرة حتى صويلح وهو يشتم في الرئيس السوري بشار الأسد .. ثم يشتم حسن نصر الله ويبالغ في الحديث عن علاقة السنة بالشيعة وأن المعركة سنة وشيعة وبطلع سطحي جدا وببغاء لما يعرف ولما لا يعرف ( مش عارف الحق على مين بالزبط . على وسائل الإعلام الي بسمعها ولا على قدراته وقرآته وإطلاعه ولا من الطقية الي على راصو ؟؟ ) .. طيب معلش عمي .. أنت شو الفكرة الي بدك توصلي إياها !!

إنك بتفهم سياسة ؟ إنك مقهور من القتل والممارسات الشنعة في سورية ؟ أنك بدك تحكي وبس .. جعان ، بتوكل في راسي مثلا !!

من الآخر .. كل الي بصير على الهوا مباشرة أو بالتكسي أو بين الأصدقاء بخليني أتذكر النكتة الي بتقول :

مرة واحد محشش فكر بعمق .. غرق .

عزيزي المواطن خذ مني نصيحة : التفكير بما تسمع وتقرأ وتشاهد يضر بالصحة ويسبب الكآبة وأخذ الأمور على محمل الجد والجلطة وإرتفاع ضغط الهم . أوعى تفكر

Advertisements

لا أفكار على ”غرق بسبب التفكير

  1. Dana

    كتييير حلوه وبتمنى من الكل ياخد نصيحتك لانو في كتير منهم الصراحة ” بجلطو ” وبخلوك تندم انك طرحت الموضوع عليهم او اسمعت هاد الموضوع منهم , وموفئ محمد 🙂

  2. anwar

    كلام صحيح … مجتمعنا العربي بموووت اذا فكر … انشاء الله الجميع ياخدو بنصيحتك …. مع اني متاكدة من انهم ماشيين على فكرة اوعى تفكر … ما بحبو التفكير بدهم كل اشي على الجاهز

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s