الإصلاح على أصوله


أبو صلاح شوفير تكسي مبندق ، شمط السيارة جنب بدون قصد وبلمح البصر فكر أنه ممكن يستفيد من الحادث فسحب الهاند بريك – راحت معه بالجنب – وأكل ضربة أكبر بالشمعة . وبهيك بطلعله يشطب السيارة .

أبو صلاح ساق فيها دواوين وبعد مشاحنة ومسكنة ونصب بأنها راح تكلفه تصليح 1500 دينار لأنه يرغب بتركيب قطع غيار أصلية – تدوم طويلا – وبأنه السيارة هي مصدر رزقه الوحيد وبتعشي العيلة . قله الرجال – صاحب شركة كبيرة كثييير – تعال بكرا عالشركة عندي توخد مصاري .

المحترم صحي قبل محمد الوكيل ، لأ حتى قبل فيروز الي بتغني .. وراح ركض للشركة وأخد شيك بـ 1500 دينار وبوجهوا المصقع على الدعسة نزل على السكراب بالزرقا وفتش على نص سيارة ( بوز أو ……. ) لسيارته .

وفعلا لقي طلبه – بوز سيارة كامل – بسعر 300 دينار وحمله بونش بـ 20 دينار للقويسمة . في هناك معلم تجليس ودهان نزل عنده السيارة والبوز وقله قص السيارة وركب البوز الي من السكراب على السيارة … المهم هداك ما كزب خبر .. واشتغل . وأخد على الشغل مع أجرة 6 قلان زفته حطهم على أرضية السيارة عشان تظل ماسكة بين النصيين .. أخد بس 300 دينار وطلع السيارة وكالة .

بوجهوا أبو صلاح على الحراج يوم الجمعة وباعها للسيارة لواحد غشيم بـ 6000 دينار كاش لأنها لقطة ما تلقاها بأقل من 7000 .

وراح أبو صلاح ثاني يوم تضمن سيارة تكسي 2009 بـ 18 دينار باليوم ، وفللها بنزين وبلش شغل من جديد .

الله يستر عليه الي إشترى السيارة والي راح يركبوا معه .. لإنه إذا أسرع فيها عشان يوصل بالسلامة قبل ما تشتي مثلا يمكن يواجهوا مطب أو جورة . مهي البلد مليانه ور و مطبات . فراح يحتاج لقوة شد عكسي – خاوة – سحب الهاند البريك و بتخليه لحاله في جهة والركاب لحالهم بجهة . مش هي نصين السيارة ( بوز و ………. ) . شو نسيت !

ويا هيك الإصلاح يا بلاش .

* ملاحظة : القصة مستوحاة من حادثة حقيقية .

Advertisements

لا أفكار على ”الإصلاح على أصوله

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s