شو بتفهم ؟


يمكن التدوينة أجت ع زعل .. هالأيام صاير أزعل كثير بس الي بزعل بزعل ع حاله ..

القصة أني بروح للجامعة كل يوم ، وبطلع في الباصات وبمشي في السوق وبشوف أشاء وقصص وحكايات .. مبارح مثلا وقفت من الساعة 7.00 – 8.30 الصبح عالشارع عشان أركب باص ومر عني 6 باصات مأدبا – العبدلي . بس ما وقفولي مع أنهم دايما بطلعوني زيادة .. والسبب أنه في دورية كانت واقفة بعد 3 كيلو بتص مخالفات للباصات .

اليوم .. طلعت بدري وبعد ما وقفت على خط الوحدات – العبدلي ساعة كاملة .. أجى باص وطلعنا … عند جسر المخابرات خرب وجابولنا باص ثاني . وزي كل يوم راحت المحاضرة .

فادي بحكيلي خلي الدكتور يشبك ع تويتر وخبره من خلاله أنه الباص خرب وما بحطك غياب .. نفس الدكتور الي بحكي عنه فادي بضل يشرح عن الإعلام الإلكتروني والمدونات وهو ما بعرف يستعمل الموبايل ” صحيح شو يعني موبايل بالإنجليزي ” ؟

كان من المقرر حسب ما ” إقترح ” يزن أنه نعمل وقفة إحتجاجية صامتة قصيرة مدتها نصف ساعة ﻻ تتبع لأي توجه سياسي أو أي حركة شبابية أو طلابية تعبر عن رأي طلبة كلية الإعلام في المادة 23 من قانون مكافحة الفساد أمام مبنى الكلية يوم الخميس .. الهدف الأسمى أن يعرف طلاب الإعلام ومن يشارك من باقي طلبة الجامعة ماهية المادة 23 وكيف تؤثر على حياتهم اليومية وعملهم الصحفي وزيادة وعيهم القانوني من خلال الوقفة.

للأسف الوقفة راح تم بس ﻻ بد من لغط .. أنه العميد حسب ما يقول الطلاب ” كلمة بتجيبه وكلمة بتوديه ” ولحتى يوخدوا موافقته كان التالي .. بروح عبيد لعنده وبخبره أنه في ” إعتصام” الي هو بالأساس وقفة .. وفي ناس بدها تسيطر على الموقف وتهتف وترفع شعارات وهمه من المعارضة وهي بتعريف الطلبة ” ناس ما عندهم وطنية ” .. مين الناس .. الله أعلم وحد الله ما بنحكي على حد بعينه . آه وكمان ” معارضه وفلسطيني ” .. يعني أجندة خارجية .. بس لو سألت أي حد فيهم شو يعني أجندة ؟ بتوقع ما يعرف ؟ أساسا شو الفهم العميق للمعارضة بأنهم الي ما عندهم وطنية !!! يعني لو بدي أخبص بطلع نص الأردن مش وطنيين .. روس كبيرة بتروح فيها .

لما يكون طلاب صحافة بفكروا بطريقة ” مش عارف شو أسميها ” شو بتفهم .. لما رئيس الجامعة بسألهم بمكتبه .. مين الي ورا “الإعتصام” .. ومين الشباب الي خططوا ؟ وبحكيلهم أحسن شي تكونوا أنتم الرياديين بدل
” المخططيين أصحاب الأجندات المعارضين الذين لا يملكون ذرة وطنية ” .. شو بتفهم ؟

Advertisements

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s