خبز وكرامة وبطيخ


زمان كنا بالبيت نلاقي زعتر وما نلاقي زيت ، او نلقى زيت وما نلقى زعتر ، المهم انه مرات كنا نوكل خبز حاف .وبعز الخير تعمللنا الحجة مناقيش مرتبة . في الصيف كنا نجيب بطيخة ونوكلها مع خبز وجبنة . المهم في كل الحالات كان عنا كرامة .

أطمن أبو عبدو . الحكي مش عن حاجتي للطبيخ . من الآخر حملت شنطتي وانزلت ع المسيرة ” خبز وكرامة ” ، من عنوانها فكرت راح تكون المطالب إقتصادية وشوي سياسية تبعا للأوضاع في البلد . بتعرف أبو عبدو كان مبارح إجتماع مجلس امه ” أم مين مش عارف ” !! وفي تعديل دستور وقوانيين . ما علينا .

بلشو الشباب بهتاف . في صوتين . آه صوتين ومن بكبين وكل بكب عليه مكبرات صوت . كل بكب وفي رواية أخرى ” بكم ” بهتف شكل .

أنه نفسي أفهم . ما دام انه الي نازلين أحزاب وقوى المعارضة . ليه كل واحد بده يبين أنه المسيطر عالساحة وأنه هو الشاطر حسن . الوحدة الشعبية ما بصلوا الجمعة . بدعسوا أول ناس وببلشو هتاف . نصه ضد الملك وضد وادي عربة . ولا في ريحة الخبز .

الإخوان على أكثريتهم ” كالعادة فش شي مخبا ” بهتفوا بالتكبير والجهاد ” الله غايتنا والقران دستورنا والجهاد في سبيل الله أسمى أمانينا ” وبمرقوا شوي عالإصلاح بقول : ” والإصلاح سبيلنا ” .

قادة الإخوان ورا . والجماعة الثانية “الي قدام ” بقلك ما بدهم يشوفو الشيخ ” همام سعيد ” .

انقذ المسيرة حين بدأت أضحك مما أسمعه وأراه . أبو عاصم ” علي أبو السكر ” حين تقدم المسيرة وانضم للجماعة الي بالصف الأول . حب يوحد المسيرة .

بتعرف أجمل تعليق سمعته وكان بررررررن رن لمن بدأوا بتقبيله والترحيب فيه : ” شوف النفاق السياسي ” .

عند الوحدة في صبايا . عند الإخوان ماكو ” أخوات هالمرة ” لكني شاهدت أطفال .. مش فاهم هل جماعة الإخوان بجيبوا أطفالهم للمسيرات من باب ” علموا أولادكم . ” ولا تربية ع القيادة ..

أبو عبدو لا تستغرب . بدي اقلك شي حقيقي . بتعرف أنه ابناء قيادات الإخوان بوخدو موقع قيادي باللجان الشبابية و مجالس الطلبة في الجامعات . وأبناء المنظمين والصفوف الثانوية بالاغلب بضلوا مثل أبائهم في مناطقهم . يعني ما في سلم ترقية .

على جنب الطريق بياعين بسطات لمداليات عليها خارطة الأردن وأعلامها . بس بنص ليرة . شوف كيف بيتم إختزال الوطن بميدالية ، شوف كيف البياع مش سائل ولا صلب ولا غاز حتى .

خبز وكرامة حكيتلي ؟

طيب بدي أسألك ، لو جماعة الإخوان ما نزلوا عالحسيني اليوم . بكونوا شبعانيين خبز ؟ عندهم فائض كرامة ؟ . لو ما نزلوا ” وأنا أساسا مش فاهم ليش ما بنزلوا هالمواطنين ع الساحة غير لما حزب الجبهة والإخوان يدعو للمشاركة ” بتعرف أنه لو ما نزلوا . ما بكون في الحسيني أكثر من 500 واحد . تخيّل !!

آه بالمناسبة . مش فاهم كيف 10 أشخاص بهتفوا للملك والجيش والأمن بمثلوا الأردنيين وعلى مسمع الجميع كانوا
” يشتموا ” حمزة منصور مع أنه ما كان موجود . هو سؤال بس همه ما بعرفوا إسم واحد يشتموه غير حمزة منصور ؟ إذا هيك بقلهم يسكتوا وينطمو . مش دفاعا عن أحد بس بقول يا جماعة اعرفوا أسماء ناس ثانية لأنه المعارضة مش بس حمزة منصور . بتعرف إني جعت . لأنه كثير مشينا . وبدي آكل أي شي هات ناوشني البطيخة . وروح عالمخبز جيبلك رغيفين طابون خلينا نتغدى بكرامة .

بالمناسبة ما حد جاب سيرة رغيف الخبز والكرامة لا بهتاف ولا كلمات غير ” همام سعيد ” .. ونصيحة لكل واحد ما ينزل بسيارته عالإعتصامات والمسيرات .

هات أبو عبدو هات .. ناوشنا البطيخة .

هذا الطفل ماذا يعرف عن الإسلام ؟

خبز وكرامة وشبس ..

تعبت من الوقفة . أنا شو جابني ؟؟

زجاج سيارة فاخر دعاس
______________________________________________

* مدونة تحويلة – كتبها محمد فريج

Advertisements

3 أفكار على ”خبز وكرامة وبطيخ

  1. khalid natour

    معلم .. خزان امان النظام بالاحزاب الي هي فعليا بتشكل عائق لتحريك الشارع بشكل حقيقي
    هاي العقليات الحزبية مش مستشعره الحاله وانه في تغير جذري .. وانما كلها بتفكر بطريقة الكسب المرحلي
    الاحزاب لازم تصير تابعه مش متصدره للحالة

  2. Yousef

    ههههههههههه
    همه ما بعرفوا إسم واحد يشتموه غير حمزة منصور ؟

    خليها لربك …. والله يستر

  3. baraa belbesi

    100% كلامك يا خالد أصلاً هالأحزاب المهترية لو عندها نية ولو 1% بالإصلاح كان زماااااااااااااان أرغمت النظام على الإصلاح بس لأنها تربية هالنظام ومصالحها ترتبط بوجوده لو شو ما علوا السقف يبقى ملائم لرغبة هالنظام الفاسد بالتالي لا يركن عليهم بشيء ويجب أن نخشاهم أكثر ما نخشى من هالنظام كمان

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s