الي استحوا ماتوا


قرأت اليوم قبل الفطور خبر بحكي ” أظهرت بيانات رسمية ان 97 بالمئة من الأسر الاردنية لديها أكثر من مصدر دخل واحد وذلك اعتمادا على مسح نفقات ودخل الأسرة لعام 2008 ” فأفطرت على شتم الي عمل الدراسة .. لانه مش معقول تعمل دراسة على معلومات حصلت علها قبل عامين ونص .. يعني بعام 2011 تغيير الوضع .

وقالت الأخبار أنه 3 % من الأسر لها مصدر دخل واحد فقط . يعني عيلتنا طلعت من هالثلاثة بالمية . يعني أحنا أقلية بالمجتمع . يعني ” مع مزة سيجارة بدي أستنتج ” أنه لازم أطالب بحقي كأقلية بالمجتمع .. ممكن اطالب بدعمي في التعليم العالي بأني أدرس عحساب أي جهة مثل الديوان أو التعليم العالي أو الصناديق الي عبت البلد أو أي مكرمة.

عسيرة المكرمة . أحنا بالبيت 7 شباب ، كلنا درسنا جامعة بس ولا واحد منا درس على حساب مكرمة المعلمين مع أنه أبوي خدم 30 سنة بالتربية والتعليم وكلنا قدمنا عالمكرمة .. كل ما حد من اخواني يقدم يطلعلوا سوء أختيار ولا مش بس هيك .. فوق المكرمة أحنا بمنطقة أقل حظا .. فعلا أقل حظا، لا مكرمة طلعلنا ولا أقل حظا يعني من المولد بلا حمص .

الحلو كمان أنه الي كتب التقرير الإحصائي قصد يفرجينا أنه إحنا شعب لا نشكر النعمة .. بس هالمرة مش نعمة ” الأمن والأمان ” الي حاصرينها الي بطبلولها كل يوم بالأمن العام والمخابرات بس .. ناسيين الأمن الوظيفي والإجتماعي و الثقافي أو الغذائي .. ما علينا يعني كل أسرة فيها واحد بشتغل ولو بجيب 8 ليرات يومية شملته الإحصاءات العتيقة.

عندك مثلا محمود ابن جارتنا أم العبد .. والله انه صاحب دخل هالكاروط طلع بخبي مصاري بالشوال عكلام الحكومة ” الله يديم خيرها علينا ويزيد من فرص العمل الي بتوفرها ” .. يعني محمود فل تايم وفل ابشن عين الله تحرسه ” اللهم حسد ” .. محمود بطلع بيبيع جريدة الصبح . هي دخل وبعد الظهر بيمسح ويغسل سيارات والمسا بيشتغل ويتري بشي مطعم ولا مول هاي كمان دخل .. يعني و(حصوة في عين الحسود) ثلاث دخول بتدخل عليه ، بده موظف إحصاءات بس ليعد عليه .. بعدين هو بدفعش ضربة دخل ولا مسقفات …. ياباي إذا كل أخوان محمود وأصحابه زي هيك !!

نرجع لأبوي المشحر .. راتبه التقاعدي 281 دينار وعنده 2 بالجامعات ” عالتنافس ” بدهم مصروف وأقساط ومواصلات .. و2 بالمدرسة وسيارة بدها بنزين وفواتير وعلاجات .. عشان الراتب ما بكفي ليوم 3 الشهر بنزل أولاده عالشغل .. وعشان الشب بكون مخنوق بده يدرس ويعيش بكرامة وما يسمع كلمتين من أبوه كل يوم بروح بشتغل أي شي مش تخصصه ” مش عيب ” بس تخيل أنك تدرس هندسة بس معك خبرة 3 سنين ورا مجلى صحون . ومن قهرك وتقصيرك بالدراسة بتصير تدخن وبتلتم عشلة الأنس بتسهرلك شي سهرة فبتغيب عن الجامعة ثاني يوم .. وبفصلك الدكتور من المادة عشان غبت 4 مرات بس . ما بدي اكملك بلاش تفكرني بشحد عليك ” أخي المواطن ” أو تصير تعيط .

المهم انه طلع ” ابن البلد ” مش فقير ” أساسا وينه الفقر ” هاد بس بأحلام كتاب الأعمدة . ” لاتردوا عليهم ” ومحمود طلع إبن فرير بس نكد وبظحكش للرغيف السخن وصاحب بعبعة .. كل جمعة بنزل عالبلد بشتري ملابس من البالة لأنه فقري من يومه وبصير يتظاهر ضد الحكومة جد ” الي استحوا ماتوا ” .

* مدونة تحويلة : يكتبها محمد فريج.

Advertisements

فكرة واحدة على ”الي استحوا ماتوا

  1. بهاء الدين كرايمه

    محمد فريج صباح الخير من مطار البحرين الدولي…. ما في داعي اترك تعليق كلامك كالعسل على قلبي على الاقل

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s