التثاؤب الوطني المشترك


بعد هذا الكم الهائل من الإعتصامات و الوقفات الإحتجاجية والإضرابات والبيانات التي تمطرها الجهات السياسية والحزبية والعشائرية ” والتي كثير ما بعرف شو هيه ” .. والوضع المتأزم في الأردن منذ سنتين وكسور .. تبين للممعوط صاحب الأوجاع والذي أدمن السواليف بأن لدى الأردنيين حالة من ” التثاؤب الوطني المشترك ” .

هل هذا يعني أن قهوتنا الصباحية مغشوشة ؟ | سؤالي .

أجابني كعادته بسخرية : لأ . قهوتنا مش مغشوشة . بس بدها غلي .

طيب كيف نغليها ؟ ومين صاحب القهوة ؟

هل أستطيع أنا المواطن الأردني الي بعد ما ولدتني أمي لقيت حالي
“عداد متنقل” .. إني اغليها وسط مثل صاحبنا شاهين ، أو أجيبها عالريحة مثل الحكومة في سواليف الإصلاح ، أو سادة زي ما بشربها الأخ المواطن .. مين بعرف إذا حلوة كثير … ” المنيو ” طويل بعرفه أبو صلاح.

ولا غلي القهوة إله معلمين متخصصين بعرفوا متى يشتروها وكيف يغلوها .. على نار هادية قبل الفوره.

يمكن .. لأنه إذا فارت معي ما بعرف شو يمكن يصير .. هو صحيح فورة القهوة خير ، بس لو كانت مغلية بنفس وكان في كاسة مرتبة نتهنى وإحنا بنمز عليها . أو ” بمزوا علينا ” .

معقول هيك !! أنه كل الي بغلوا القهوة بالشارع صاروا يمزوا علينا.. صاروا بعرفوا شو بشربها سمير أو معروف . بحبوها بكاسة خضرا أو حمرا ؟؟
وبمجرد وقفتنا على باب المحل ،، بصرخ أبو صلاح .. يا ” تحميلة ” .. وهاد أسم الصبي .. ” جيب قهوة أبو وسام ” لتخفف أوجاعه .

مش يمكن أبو وسام بده شربة ميّ .. بده بوكيت دخان .. بطاقة خلوي !!

هل قال المواطن الأردني كلمته في الشأن الداخلي . هل إختار مجلس نوابه ؟ هل صوت على استفتاء مطالب الإصلاح ؟ هل يحمل هم إقتصاد الخبزة وقسط الولد بالجامعة .. أم يفكر باللغز العظيم
” مين يحكمني ” ؟ ومين حــ يدفع حق القهوة ؟

قهوتنا مش مغشوشة .. ولدينا حالة من التثاؤب الوطني المشترك . ومشكلتنا مش بالسهرة الطويلة على مسرحية أوجاع وطن .. مشكلتنا بنعرفش نعمل سواليف مع الصبي الي بغلي القهوة .

واقفين جنبه عالكاش ” بنشبّر ” وبنحكي وهو ” ذان من طين وذان من عجين ” شايفينه بسرق عينك عينك .. و بنعد عليه كاسات …

من كثر غلي وقهري صرت أدعي بسري .. يارب تخلص المي وينقطع من الكاسات .. يارب يصحوا الناس من الغيبوبة .

.. عشان أشوف كيف بدك تشربها يا سمير !!

* مدونة تحويلة – محمد فريج .
* على هامش لقاء جمع طلبة كلية الإعلام بالكاتب الصحفي أحمد حسن الزعبي – الأربعاء 13/7/2011

Advertisements

فكرة واحدة على ”التثاؤب الوطني المشترك

  1. أقترح أن يتم عمل مدارس مهنية متخصصة بتعليم الطلبة على فنون غلي القهوة، ثم بإمكان الطالب إكمال دراسته الجامعية بهذا المجال، بس بتعرف من شو خايف إن التخصص يقلب وراثة وأبن أمه اللي بقدر يدخله.

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s