حامض حلو


لأنه لازم نروح عالجامعة . طلعت في باص الكوستر 6.30 الصبح . أبو فؤاد سايق باص اليادودة ” جنة الله في الأرض ” بسمع مونتيكارلو الدولية ،، بصراحة كل الأخبار سمعتها بنشرة حصاد اليوم قبل ما أنام .. وعالسريع مديت سلك من الموبايل ” هاتف محمول ” لحد أذني واسمعت فيروز .. عفكرة كل إذاعات البلد بتحط نفس ” السشن ” .

الساعة 8.30 قلبت الموجة على هلا أف إم ” و قوّك يا أردن ” .. نقاش حول اشعاعات مياه الديسي ونفس القصة بإذاعة أيام ” والاردن اليوم ” عأساس الأردن بتتغير يوم عن يوم أو أنه مافي أخبار غير هالخبر .. ما علينا .. حط على أبو هيثم وعلي الصوت بطلع الموضوع أنه في هوشة بين مصانع دجاج الوطنية و وزير البيئة .. بعد الفاصل الحربي بصير الحكي كله عن فيسه لأبو هيثم . و صفحة ” مسي ” ما فيها LIKE مثل ما عند الوكيل . طبعا مقارنة بعدد سكان الأردن .. مع انه احنا بالفيس الأردني بنعمل LIKE لأي PAGE حتى لو كانت ” هترش ” أصلا فش اسهل من سلخ LIKE . وكأنه عزيزنا الـوحيد عنده هالميزة ” من قلة ما طبل مخي بأنه عنده صفحة فيسبوك ” .

انا بطريق اربد بصراحة برتاح نفسيا .. لانه ولا إذاعة اردنية ولله الحمد بتلقط على ” هاتفي النقال ” إلاّ إذاعة موسيقى كلاسيكية ” عبرية ” .

وعندما وصلت الحافلة إلى جسر النعيمة .. تعكر صفونا بتشويش إذاعة اردنية على الإذاعة العبرية ليطل علينا أبو سيف مرة أخرى ..

العجيب أنني لدقيقة أو أكثر فكرت في فقرة جديدة في البرنامج فيها قراءة شعر نبطي وأغنية بصوت أبو سيف ، شعر نبطي وأغنية بصوته وعلى 3 مرات متتالية وضحك ينعش اليّ في غيبوبة .

بآخر حلقة طلع أبو سيف بجرب صوته يمكن ينافس متعب الصقّار . يا أخي مش غلط بس جرب في بيتكم مش على مسمع العالم . انا بس بقول الله يعينك يا وسيم صفوري .. ولا FADE طلع صح .

عادتي ولا شاريها .

عالطريق ساعة مساء وانا ارقب غياب شمس جرش ، و بعد امتحان رهيب كان لازم اسمع بدلا من إذاعة القوات المسلحة السورية الي مش عارف السر الي بخلي شوفير باص الشوحة ” عمان اربد ” وقريبا ” عمان اربد دبي وبالعكس ” ما يقلب عنها !!!

كان لازم اسمع نور على مزاج إف إم .. خوفي تكوني يا نور ” شامة ” غاز مثير للضحك قبل الهوا .. بس بدكم الصراحة . ضحكتها بتجنننننننننن ما بقدر ما اسمع .

طلع الباص آخر طلوع شارع الأردن 6.30 ، و صار لازم نسمع دانة جبريل في بنت بلد .. وبأول إتصال من دانية 6.45 .. ومهم التوقيت هون لأنه انا قلبت على عمان إف إم لأسمع زيد شو بسأل عن مسابقة الخمسات الجديدة 6.51 دقيقة .. فتتصل دانية . معقوووول !!

نعم إنها دانية مرة اخرى على إذاعة أخرى لأن دانية مستمعة مخلصة لكل الإذاعات وليس لديها عمل أو مشغلة غير الحكي مع المقدمين وهذا يفرحني لأنه يشغل سوق الإتصالات في الأردن وينعشه وإن ما صابت ما بتخيب . والإذاعة الي ما بتربحي فيها سبي عليها و قلّبي على الي بعديها .. وراهم زنقة زنقة .

وشاء الهوى أن نستمع لحلا يغمور على هلا اف إم من جديد فيكون هناك فاصل ومن نوع جديد واتحدى ان يكون مثله في البلاد .

إعلان للإتجاه للمتاجر المذكورة لشراء تذكرة حضور الفعالية الشعبية الثقافية الإبداعية الوطنية …. التي تنتظرها جماهير الشعب الأردني العظيم .. القتال بدون قيود في قفص مغلق في ساحة حدائق الحسين بين المتنافسين .

STOP لهون وبكفي .

هالبطولة حرام لشب مش اردني . أنه معقول كل يوم عنا هوشات وكل يوم سحب سلاح في جامعات وعشائرية بالدرجة الأولى ولاجل بنت او فريق كرة قدم بالدرجة الثانية وتكسير مرافق وأيدي وارجل للمعتصمين كمان عشان ما نظلم فريق الدرك الصاعد للدرجة الثانية لبطولة المملكة لتكسير راس الشعب . وبالآخر تروح البطولة للغريب .

يا ترى مين الي راح يسلم درع البطولة للنشمي الديونجي لاعب الحديد المضروب في وجهه علامة الجودة ؟ مذيع حربي ، بلطجي سابق ، أندر إنسان !! مهما يكن فهو حامض السحنة ولن ابلع هذا الإعلان ولا جميع المبررات لبثه أو وجود مثل هذه البطولة .

إذاعاتنا .. مش عارفين نميّز حلوها من حامضها

هو سؤال واحد ورد غطاه ، هل يستمع الدكتور أمجد القاضي للإذاعات الأردنية ؟

Advertisements

3 أفكار على ”حامض حلو

  1. Enass Musallam

    إشي بخزي والله .. في برنامج هدا انهار رح تعرفه عالدعسة .. ضلّوا 300 ساعة يحكوا معقول الصبية بس احلامها الزواج … شلّوا بخت الصبايااااااااااااا وأحلامهم وقزز أهلي

  2. لازم يتجي عنا و تسوي برنامج عن الاذاعات الاردنية وتحول هذة المدونة الى برنامج دائم ناقد لكل الاذاعات و بدون استثناء

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s