عنجد بحكي


بصراحة من ساعة ما طلعت من محاضرة العلوم العسكرية وأنا احسب كيف بدي اكتب . قررت أسرد الحكي على طول ..

بحب المحاضرة كثير ورغم انه معي كتاب بضل انسخ كل كلمة يقولها المحاضر وادوّن أفكاري ومﻻحظاتي .. يحاول من بجانبي معرفة ما اكتب بلا جدوى .. فانا اكتب برموز اعرفها.

اليوم مش يوم عادي .. كانني شاهدت فيلم صباحو كذب على الريق 9.30 صباحا … حد بيج على بالوا يكذب بهيك وقت !! يعني مين بقتنع بأنه العمل الإستخباري ورد بالقرآن والسنة وأن اسماء بنت أبي بكر ” ذات النطاقين ” كانت مخابرات بزمناتها !! معقووووووووووول !

وقال هو مش جاي يبرر وينفي الشبه والكﻻم عن المخابرات بس يا شباب كل الي بتسمعوه عن المخابرات مش مزبوط وكله كذب . حسب كﻻم سعد بيك الذي بدأ المحاضرة بقوله ” صباح الخير .. شغلولنا المايك . في حد من الشباب حاب يسأل أي سؤال ؟؟ ” ول يا رجل لسه ما شرحت شي ..

وخدني جيتك عن النشأة والتأسيس والتطور في كافة العصور والدول .. وهذا شي عادي ومعروف للباحثين .. حتى وصلنا إلى أن رن جهازه الخليوي .. اسمع يا ابو الحباب ..

سعد يقول : ” شباب بستأذن ما راح اطوّل عليكم لأنه طلبوني بالمكتب .. شايفين كيف انه شغلنا على مدار الساعة ” وضحك الجميع .. فتابع ” ومكتبي موجود للكل ومفتوح وبتقدروا تزوروني بأي وقت ” . شكرا بس ليش بدي أزورك سعد بيك ؟

قال : لأنه عندك سؤال أو استفسار أو وشاية وتبليغ ،، والأغلب انه الاولى قالها سهوا .. لأنه اثناء الشرح قال عشرين مرة “أننا نقدم خدمة المعلومات لمكافحة الفساد ورئاسة الوزراء والجيش ” . ثم قال اربعين مرة .. ” نحن لسنا دائرة خدمات بل دائرة مسائلة .. ويأتي المواطن للدائرة ليتم سؤاله واستجوابه ” .. أي قلبت مخي .. انت شو الي بدك يوصلني !!

فتح باب الأسئلة وهات ميت يسكروا ..

سؤال من طالبة : كيف ممكن اتجند معكم ؟
سؤال آخر : شو بتحكي للطﻻب الي بحكوا عن حالهم مخابرات بالجامعة ولو عملوا تقرير وطلع خطأ وكيدي بتحاسبوهم ” بناءا على تأكيده موضوعيتهم وتحريهم الصدق والحقيقة ” ؟
سؤال : عندكم موقع نت حقيقي ولكن هل الصفحة الي على الفيسبوك الكم وﻻ لواحد بتهبل ؟

والإجابات وﻻ واحدة لها عﻻقة بالسؤال .. لكن لحظة .. قال سعد في احدى دهاليز الإجابات مافي طالب مخابرات والي بقول عن حاله مخابرات بكون عنده عقدة نقص وبده يعوضها بالعرط على زمﻻءة والي بصير في الإنتخابات كذب ” عفكرة ما حد سأله عن الإنتخابات هو حكى لحاله ” .. وكمان قال : كل الطﻻب مخابرات وخاصة البنات .. وتفضلوا زورونا بالمكتب .

الي بدي أقوله لسعد وللجميع : ﻻ تخلوني ابطل احب المحاضرة وخلوها حلوة بكل الصدق والحق الذي يملئها والله انها محاضرة حلو ة .. ﻻ تجيبولنا حد يستهبلنا مثل البيك .. عنجد بحكي

Advertisements

فكرة واحدة على ”عنجد بحكي

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s