أجى وقت البسكليت


بسكليت .. حلم قديم كان نفسي فيه من يوم ما وقعت على راسي وأغعمى عليّ وصحيت ولقيت امي بتبكي .. وأبوي من يومها حرمني أركبه .. مع اني كنت ” شوفير مر “.. كنت اسوق بسكليت نوع البطة ما فيه ” بيل ” ولا بركات ..

ياما قطعت ” حفايات بلاستيك ” وانا بشمط بريكات عالعجل الخلفي .. يالله ما أحلى البسكليت .

.. ارفع يا عمر ارفع ..

بدي أحط رجلي بـ ” الدعاسة ” وأخلي الـ ” قدون ” آكتف بور “.. وبدي اغيّر لونه بعلبة رش ام الليرة .. وأحط عليه زمور بقول ” طاااااااااااااااااااااط ” وأحط انتيـــــــــــــــــــــــــــــــــــــــــــــــن وعلم عليه جمجمه و بريك ” دعسه عكسي ” وسلة شبك خلفي .. ونمرة ” حمرا ” .. ما حد احسن من حد .. ومش موقف عالإشارة ولا على ممر المشاة ..

بتعرف شو !!

بعد ما كبرنا يا عمر .. بنقدر نضرب كل العصافير بــ ” بسكليت ” .. يعني يمكن بعد سنة زمان أشارك في سباق في باريس أو لندن وافوز بكأس العالم للدراجات الهوائية .. لإنه أنا عندي مرونة وعضلات وتدريب يومي ” صباحي ومسائي ” وبالليل والنهار وبالشتوية والصيفية .. طالع مصدار ونازل جوفة .. وساحب عالمطار و منوتر في الجبيهة . ويوم عن يوم بصير أسرع وأسرع .

بس خايف بكرا يغاروا مني الشباب يا عمر .. أروح واقف جنب واحد على إشارة ويسألني ” أقوم معه ولا لأ ؟ ” وأنفضح إذا طلع زرقاوي مقلع .. ويمكن يتعدل قانون السير .. ويسجل علي مخالفة ركوب بسكليت بعد الساعة 10 ليلا 15 دينار .. أروح أدفع وأعترض وأحلف يمين إني كنت سايقه الساعة 9.45 دقيقة .. ويطلع الحق عليّ .. ويجيبوني يا عمر .. أركب على البسكليت بال” شقلوب ” ويزمرولي ..

يمكن يمنعوني أسوق مش لأني متهور وكنت راح ادعس 20 طفل على باب مدرسة سمير الرفاعي .. قال شو لأني ما وقفت للشرطي لما قلي يا شب .. يا معلم .. يا أبو حميد .. وكان ينادي بصوت عالي ” معك ولعة ؟ ” وحلقتله لأنه هوه راح يطلب ولعة وبعدين سيجارة وبعدين أعزمه على قهوة ..

بكرا كمان بتعدل يا عمر قانون التأمين وبصير سايق باص عمر ما يتحمل مسؤولية ” اللز والمحاشرة والدعس ” لسايق البسكليت ..

يا عمر خلص يا زلمة .. ارفع ارفع ..

أنا بدي اجيب بسكليت وخلي الباص لصحابه ..

سلام يا عمر بشوفك بس ضل ارفع وأنا رايح مشوار برجعلك

Advertisements

فكرة واحدة على ”أجى وقت البسكليت

  1. تنبيه: أجى وقت البسكليت « شباب شباب

سيتم عرض تعليقاتكم بعد قليل . نشكر تفاعلكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s